2011年8月10日 星期三

珠海見聞

睇住個市跌千幾點時,我哋悄悄離開香港,亦悄悄離開所有煩惱......

去旅行最鍾意了解當地的『民生物用』。

今次珠海一遊,最深刻印象喺,啲嘢貴咗好多,响一間普通酒樓食個午餐,兩個餸兩個白飯,都要80蚊人民幣..... 即成100蚊港紙!! 我哋去過當地蘇寧電器,電視、洗衣機雪櫃等電器都同香港差不多價錢,講緊的喺國產的,來佬貨喺仲貴啲。但喺佢哋人工仲喺少過香港好多,相對來說喺好貴!

成日以為國內喺機會處處,發展好快,但珠海呢,感覺好似同10年前差不多,同側邊的澳門比,澳門喺360度大轉變,可能珠海的旅遊業已經俾澳門搶走咗.....

不過噉講,我哋只喺去咗珠海的拱北舊區,可能其他地方喺生機勃勃。

今次去喺特地為咗玩高卡車,我想講,喺勁正!踩盡油去突然踩brake轉急彎玩飄移,喺我噉大個女的第一次,老公真喺無介紹錯!!!我諗我哋會定期上去玩,到時又可以site visit吓珠海的發展!

响股災日著草...

珠海九洲港

珠海國泰酒店

我們的房間,好新淨,$400一晚包早餐實在喺勁平!不過唔好對個早餐有太大的期望....

浴室

估吓呢座擬似五星級酒店的建築物喺咩嚟?

答案喺:海關 (真喺好浪費....)

"生啫煎焗" --老公話好恐怖.....

蓮花萬景城 -- 我哋玩小型賽車的地方

指示唔喺好清晰,搵咗好耐,原來响地下停車場,商場有個入口。

I fall in love with this sport already!!

四十蚊人民幣十分鐘:個場好多急彎,好正好刺激! 我哋玩完又玩! 

玩完奬自己飲麥記,呢隻飲品叫『You 悅』

"將低價進行到底甩!!"

將XX進行到底.... 原來喺佢哋啲口號....

食福建土菜:《土豬湯》,唔錯,好濃的肉香!

小炒,勁辣....

土雞、豬、鴨拼盆


文華書店的戰利品

貨幣戰爭喺我最想買的書,宜家有齊三集!

第二日到咗澳門《沙利文》食午餐,次次去襯澳門都要去....
《非洲雞》

我們的至愛 -- 《木糠布丁》

我們的澳門飯堂-- 《沙利文》



沒有留言:

張貼留言