2013年4月18日 星期四

6 weeks and 1 day: 第一次正式產檢

其實第一次睇產科醫生喺4week果陣,醫生幫我抽血驗hormone,正式確定懷孕,但冇照到bb,所以要等今日正式同bb見面。

未見醫生之前都有啲戰戰兢兢,因為醫生上次話要睇埋bb喺咪响子宮入面生長先可排除宮外孕.... 真喺一關一關噉過....

醫生話,驗血報告正常,hormone level 同周數吻合。

跟住就照超聲波,醫生搵咗一陣,就搵倒胎囊,好.... 又過一關....

醫生問我有冇唔舒服,其實我都冇咩....其他大肚婆會嘔,我又胃口好好,成日肚餓,如果肚餓唔立即食嘢,就會暈暈哋。

醫生話,下一關就喺聽bb心跳...  要到Week 8先聽倒....

仲要等兩個禮拜先到.... 好心急....

2013年4月5日 星期五

南法夢幻小鎮遊DAY 4:普羅旺斯美麗山城自駕遊

DAY 4:Gordes, Abbaye Notre Dame De Sénanque, Rousillon & Fontaine-de-Vaucluse in Provence
27 MAR 2013 (Wed),睛天,13°C


今日要去好多地方,仲要出番Avignon TGV站攞車,時間緊迫!

會响Day 6先遊Avignon old town


睛天的Avignon


昨晚買生果的家樂褔 (Carrefour)


啲包全部都好美味




買包的早餐店


最終買咗呢個芝士三文魚包,叫"Croque Salmon",3€一件

好味到無法形容!!


因為shuttle半個鐘後先到,有時間周圍影吓...


 Avignon舊城由城牆包圍,城牆有幾個入口,呢個最大





Shuttle終於到喇,好心急!


8:45am終於到咗Europcar,
我哋online book咗只餘一架嘅自動波車,好驚會俾架殘車我哋

9:15am,辦完租車手續,自己行去側邊停車場攞車,好緊張!!


吓!竟然喺一架新車?!


只行咗6公里,即喺未租過俾人!


真喺又驚又喜!


喜,喺冇諗過會俾架新車我哋!
驚,喺萬一有一條小花痕都會睇得一清二楚!


有埋拍車鏡頭!



Bonne route!

租GPS機一日12€,但我哋冇租,

我哋有個新嘗試!

我哋用手機嘅Google Map Navigation


功用同GPS一樣,但手機嘅GPS較弱,要用埋data

臨出發前activate咗data roaming,One2Free一日HK$168無限任用

其實原來喺想買本地Data SIM,SFR 29.9€有3G

但搵咗好耐都搵唔倒佢間舖,搵倒一喺未開一喺放咗工

That's French Life!!!

所以最尾都喺用data roaming

貴咗啲但好易用,因為我之前已經create咗個France trip map,

add晒啲景點位置,一click就喺,好方便!


我哋在睛朗的一天出發囉!YEAH!

因為喺左軚,老公都花咗啲時間去適應...

之前已經知法國啲路窄,

但冇諗過窄成噉都可以單管雙線(對頭車),仲要開90km/h

SO CRAZY!

Musée de la Lavande (薰衣草博物館)



之前冇plan嚟呢度,因為我哋對薰衣草冇咩興趣,

但上Gordes途中GPS冇signal,要停低整吓

噉啱就駛咗入嚟,就落車望吓啦,但冇入去


上山嘅路越來越窄,有大車迎頭經過時都要慢車,

成日都好似就嚟high倒咁,好驚險!

好彩我哋果架喺細車....


中途已經見倒Gordes嘅路牌,越來越多用石砌成嘅建築物,好興奮!!

突然間,右邊景物由一堆堆的小樹,變成一個好漂亮嘅城鎮!

我哋到咗嘞!!!

Gordes


但路邊好窄,停唔倒車...

我哋唯有繼續向前搵停車場,再行番轉頭


停車場指示清晰,响城中心有幾個


泊好車就走去附近咪錶俾錢攞票

咪錶唔同香港,唔喺兩架車一個,要行一段路先搵倒....


攞倒票之後要放响車頭,唔喺就會被抄牌


泊車之後就行番轉頭影相,行咗15分鐘


其實我哋喺企响懸崖邊影相,好刺激!


之後行番入城逛逛




個景喺咪好面善呢....


開估:CANON EOS M相機個廣告就喺响度拍㗎!








鴛鴦芝士好得意!




離開Gordes,車繼續沿山上行5分鐘,就到下一個景點

Abbaye Notre Dame De Sénanque


呢個喺天主教修道院,特別在每年夏天田中盛開嘅薰衣草,

配合修院嘅風景,一張張poster就出咗嚟



但因為宜家仲好凍,薰衣草未開,所以冇得睇...

雖然喺噉,淨喺感受呢度寧靜舒服嘅環境,都好值得!


修士都會釀酒,好得意!



買咗筒焦糖蛋糕,幾好食!


修院位處深山,渺無人煙,心中煩悶一掃而空,進入寧靜境界....

跟住我哋揸去另一個靚城...


中途見倒好多葡萄園 (Vineyard)


不過冬天冇葡萄

Rousillon


 成個城都喺紅卜卜


紅牆+法國樹木的自然綠,好舒服的配撘!


幅畫畫得好靚,令人睇得好開心!

Lunch @  Le Bistrot De Roussillon


開餐囉!

呢間餐廳喺老公响tripadvisor搵的,評分好好,排好前!


Menu封面好靚,特登搵人畫



我哋食野人餐!全部生的!So Wild!


嚟到法國,更喺要食當地發明的Tartare beef!


廚師話,佢哋啲肉粒喺用人手一粒粒切出嚟,比用機攪拌有質感啲

我都覺得好味啲!




Fontaine-de-Vaucluse

離開Rousillon時已經下午三點多,出發去今日最後一個景點....


這個山城給人的感覺同之前兩個不同,有山有水


 一入城已經聽到潺潺流水聲


 水是從山上一個泉眼噴出,碧綠非常!


 我哋沿住河流往山上行,尋找泉眼 (La Source)


 一路行景色壯麗,真的以為自己去咗瑞士...


 番香港上網check,先發覺果頭已經喺阿爾卑斯山 (Alpes) 區,

山脈與右邊瑞士同意大利相連

原來我去咗阿爾卑斯山哦!

真神奇!!


行咗20分鐘,就到泉眼,看上非常平靜,

但流下溪的水非常澎湃,泉水湧出的速度應該很快!


落山時看到一間關門的餐廳,原來今年剛剛入咗米之蓮

冇得食添...


一對鴛鴦在河邊散步,真浪漫...

一個平靜寫意的小鎮,很喜歡!


Dinner @ Le Petit Gourmend, Avignon

約六點回到Avignon吃晚餐,

今次旅行行book票等工作都是我負責,

而食方面,就交給老公大人

經他仔細地在網上搜尋,又發現美食!


我哋揀的餐廳,全部都喺中價的,一個main約12.5€,絶對唔貴!


還點了紅白酒,2.5€一杯,抵!


Raviolis au Foie Gras & Sauce Cèpes (牛肝菌醬鵝肝餛飩)


Tagliatelles a la Truffe de Vaucluse (松露闊條麵)


Crème brûlée (焦糖布丁)


Fondant au Chocolat (心太軟)

真喺好濃郁、好用心去整的小菜,喺我哋响法國最好食的餐廳!!

小店喺家庭式經營,老闆喺一對老夫婦 (下圖果位就喺老闆 ),

兩個都超nice,完全冇法國人的架子 (以為高人一等),

仲成日同啲客傾談,真喺好難得!

~End of Day 4~

Continue -