2011年9月13日 星期二

中秋遊深圳 -- 訪比亞迪4S店

目的地喺『香蜜湖站』

地鐵都好乾淨

中午食水餃 (¥18)
宜家响深圳食嘢一啲都唔平,價錢要乘1.2幾....

欖菜魚鬆炒飯(¥28)同牛仔骨(¥55)
L3 環保車,盛惠¥9萬至11萬(未減¥3000蚊補貼)

無意中見倒個汽車城,叫『元瑞汽車市場』,老遠見倒比亞迪個LOGO,我想講,雖然我喺比亞迪的小股東,都要講句實話... 4S店真喺細得可憐.... 好殘.... 啲銷售員見倒我哋好似見倒金礦噉... 不停噉sale... 真喺無咩生意....



我坐咗落部L3個司機位,有個女銷售員竟然立刻開門坐响我隔離個位道,我嚇咗一跳! 因為香港sales唔會咁唐突。


另外,全間店得新款的L3, 較舊的F0同埋F3R。老公話,大陸人都喺未識sale嘢,只喺不停噉講架車有幾好,想盡快賣多啲車,但就唔知個客要咩....

仲有,成架車入面好『膠』,坐位調校喺手動的 (好耐未試過.....),仲有仲有,前排座位中間的儲物箱打開就見倒膠邊位披口,吓! demo car quality都噉差??  果吓真喺有諗過要賣晒1211啲股票..... 

不過之後又睇過『大眾一汽』的『福士POLO』,原來,大陸造車的standard都仲喺好低,全部啲車入面都喺膠膠哋.....  

另外發現,元端果間4S店喺『過渡』的 (可能解作『臨時』),所以比較殘同細。

返香港途中我就响道諗,如果唔喺整個行業仲喺發展中,好似80年代香港噉仲有好多改善的空間,就無投資的價值啦.....  比亞迪,我等你!

睇圖同真實的是兩回事....
哦....原來喺『過渡』的4S店....可能解作『臨時』店.... 所以較殘....

呢間傢俱店啲傢俬幾自然唔浮跨,不過之前都知大陸傢俬店成日貨不對辨,睇吓就算了...

一問之下,傢俱竟然用『香蕉木』造! 唔喺卦....
不過噉,要讚吓個銷售員,喺祖個碩果僅存的老實人,哈哈....
價錢一啲都唔平:一套木加墊梳化盛 ¥11,696.... 變態!!
今次的目的地

香蜜湖丁卡(Go Kart)車場

真正的『走地雞』...

不過响停車場側邊.....

由香蜜湖返香港,經龍華線到福田口岸的落馬洲會較快,同埋無咁多人

落馬洲的日落

6 則留言:

  1. 老板娘視察業務. ^^ (財務自由瘋子)

    回覆刪除
  2. 只喺小小小小....股東 :)

    回覆刪除
  3. 自由兄,少見喎... 歡迎歡迎!

    回覆刪除
  4. 幾時回歸yahoo? (自由一千萬)

    回覆刪除
  5. blogger真喺幾好用又穩定,暫時唔會囉,不如call晒成班財務自由朋友過來啦!

    回覆刪除