買埋呢轉就要停一停，等一等(業績)，再想一想......
| 投資組合 | 28/02/2011 | |
| 建設銀行 | 939 | 13.9% |
| 中國移動 | 941 | 12.0% |
| 中國人壽 | 2628 | 16.4% |
| 科聯系統 | 46 | 1.4% |
| 比亞迪 | 1121 | 10.9% |
| SOHO中國 | 410 | 4.5% |
| 晨鳴紙業 | 1812 | 4.8% |
| 現金 | 36.2% |
2011年2月28日 星期一
繼續增持晨鳴紙業(1812)
繼續增持晨鳴紙業(1812)，買入價 $6.39，PE~13.4，息率~5.38%
買埋呢轉就要停一停，等一等(業績)，再想一想......
買埋呢轉就要停一停，等一等(業績)，再想一想......
2011年2月20日 星期日
央行年內第二次上調存款準備金率 對沖流動性
2011年 02月 19日 17:52 中國窗
中國央行18日晚間宣佈，自2011年2月24日起上調存款類金融機構人民幣存款準備金率0.5個百分點。這是央行本月8日加息後10天之內祭出的第二個緊縮工具。業內認為，由於1月份人民幣新增貸款突破1萬億元，加之外匯占款勁增，流動性狀況仍急需貨幣工具頻密推出，以期對沖。
此次調整後，內地大型金融機構存款準備金率將達到19.5%，又創歷史新高，而部分被實行差別存款準備金率的金融機構繳納存款準備金壓力再增。
業內稱，儘管近期統計局公佈的CPI數據降至4.9%，但通脹大勢並未扭轉，抗通脹“大環境”未變，對銀根收縮的需求仍是不容懈怠。
分析人士認為，更關鍵的是，來自信貸與外匯占款的兩大流動性數據仍亮“紅燈”，1月份新增貸款仍居高位，人民幣升值助推了跨境資金流動，自去年三季度起，外匯占款再現勁增態勢，去年12月，外匯占款增長4033億元。流動性狀況及對沖之需，亦是央行加息後又急調存款準備金的主要原因，兩手並用，各有標靶。
不過，業內亦有謹慎觀點認為，央行繼續以存款準備金率工具收緊銀根，縮減貨幣供應量，資金成本提升，將致社會支出減少，銀行資金緊張對房地產業更將雪上加霜。故預計差別存款準備金率動態調整或在未來成為折中之法。
2011年上調存款準備金率日子及幅度：
第一次 01月20日 0.5%
第二次 02月24日 0.5%
2010年上調存款準備金率日子及幅度：
第六次 12月20日 0.5%
第五次 11月29日 0.5%
第四次 10月20日 0.5%
第三次 05月10日 0.5%
第二次 02月25日 0.5%
第一次 01月18日 0.5%
2011年2月19日 星期六
北歐尋幽記：芬蘭後記
芬蘭前傳
我哋好少去歐洲旅行，最近果次喺N年前去嘅英國遊學團。一來歐洲旅費較貴，二來要比較多假先去倒。
今次芬蘭之旅，其實响我嘅潛意識內醞釀咗好耐 (inception???)，上年有次睇明珠台旅遊節目，講挪威睇極光同住冰酒店，果吓好似撻著咗我個engine，從此一發不可收拾!!
上年八月開始計劃行程，諗過去挪威、瑞典等北歐四國，最終揀咗芬蘭，因為去過北歐嘅人話其實好玩嘅大部份集中响芬蘭，而且飛一飛去其他國家又貴好多 (唔好忘記，北歐嘅生活指數喺全世界最高!!
跟住响forum就識倒一班志同道合嘅blog友，好似 lam911, ocean 777, sy (多謝佢個北斗七星圖!), kerobe, whng 29, tolre等等，大家都喺計劃去芬蘭，分享資料，好fruitful!!
Plan行程好似好難好煩，但對於我嚟講就喺一個好享受嘅過程，從中了解目的地嘅文化、地理環境、歷史背景等等，好有趣!! 同埋，如果個行程唔喺你plan，就會好似我老公咁，盲宗宗......
倒數果吓真喺又興奮又緊張!! 興奮喺因為去一個完全唔同嘅國度；緊張喺因為唔知幾時火山爆發幾時大雪幾時航空公司罷工.........
芬蘭後傳 (芬蘭人和事)
-- 出自我老公嘅手筆，講晒我嘅心聲出嚟!
11日嘅芬蘭和愛沙尼亞之旅除咗好玩之外，同時亦見識到呢個寧靜既白色國度，想同大家分享一吓：
1) 幾意外，芬蘭人做嘢好有效率，亦都好organized。他們行路快、揸車快、講嘢重快(可能因為每隻字都水蛇春咁長...)
2) 芬蘭人嘅英文程度並未有我想像中嘅高，尤其去到較細嘅城鎮你簡直可以放棄。e.g.當我同夫人係Kemi搵Snow Castle個入口時，有個好心人想幫我地。佢望一望張地圖，舉起隻左手話：「Turn RIGHT」，再舉起隻右手話：「then Turn LEFT」... -_- ... 不過都多謝佢咁有心。
3) 作為全球生活指數最高嘅國家之一，芬蘭樣樣嘢都好貴。想慳$$，我地決定住Hostel。由於要同人share廚房同廁所，少不免就要同人互動，亦見識不少。e.g.留兩星期但只係為咗去幫人分馴鹿既瑞士人、用疑似軍刀開罐頭嘅超大隻俄羅斯人(係咁問我係唔係"Sheena"，原來問我喺唔喺CHINA，惟有話喺)、仲有連爐都未識開仲要夫人同我幫佢睇水滾既澳洲人etc.
4) 瞓冰酒店喺一個畢生難忘嘅經歷。瞓之前，職員會教你點瞓個睡袋，又話人哋-30度瞓住佢都無事，叫你放心。問題就嚟啦！-30度就無事，但喺間酒店只得-5度，咁咪超熱？！真係烏鴉口，我已經淨係著一件薄衫同睡褲訓都覺得好熱！更慘嘅喺瞓瞓吓熱到不自覺咁伸咗隻手出去，凍醒咗先發現無乜感覺，嚇到即刻室番入個睡袋度狂捽先無事！難忘係難忘，不過一次就夠啦！
5) 自少就鍾意聖誕節，可以到聖誕老人村就非常之興奮。不過，佢實在太商業化啦！左一間Souvenir，右一間Souvenir，就好似係旺角俾N間百老匯包圍既感覺...不過，「正牌」聖誕老人真喺幾OK，以下喺我地同聖誕老人嘅對話：
(排隊中，前面N個鬼佬，後面N個鬼佬...到我哋啦)
我：Hello (握手...嘩！隻手咁大嘅?！)
聖誕老人：Hello, are you from Hong Kong?
我：....yes?! (你點知架？)
聖誕老人：Nay Ho (你好) Today is the Chinese New Year!
我：...(初一你都知？)
聖誕老人：The year of rabbit!! (個樣超得戚！)
我：...yes! You are so clever! (如果我話Wrong佢會有咩反應？)
聖誕老人：Hah, Hong Kong. Seven million people!!
我：Wow!!
聖誕老人：I know everything!! (指住自己個頭，再chok多次超得戚樣！)
我：...(真係無嘢好講...)
6) 從Rovanemi再北上約4個鐘車程到達Ivalo，再坐40分鐘車到咗我地最後嘅目的地Nellim。由於已經深入北極圈，有陽光既日子特別短。聽當地人講，佢地整個十二月份都見唔到太陽！唔知係唔係因為少見太陽，呢度嘅人，尤其是個老細，特別面黑！講笑姐，不過佢面黑就喺真嘅。好在呢度個環境同埋啲活動都幾好，補番數！當然唔少得嘅喺響果度認識嘅其他遊客，因為佢地都好nice！
7) Nellim真喺幾凍，我哋留左4日，平均都係-25度。係咁嘅溫度下，四個鐘嘅Husky雪橇就顯得有啲長，啲風打落塊面度都幾痛下。完咗之後，我發現有幾樣野都結咗冰：我包濕紙巾、袋裡面樽水、同埋我老婆! (hi! 講我呀....)
8) 响Nelim三晚有兩晚都見到極光真係好好彩！喺現場睇同睇相嘅分別，就好似現場同電視睇賀年煙花果種分別。(當然無聲同火藥味啦！) 感覺好偉大、好寧靜、又好靚！唔係賣廣告，不過我真喺覺得成世人都應該只少睇一次! (下次Alaska呀唔該)
1) 幾意外，芬蘭人做嘢好有效率，亦都好organized。他們行路快、揸車快、講嘢重快(可能因為每隻字都水蛇春咁長...)
2) 芬蘭人嘅英文程度並未有我想像中嘅高，尤其去到較細嘅城鎮你簡直可以放棄。e.g.當我同夫人係Kemi搵Snow Castle個入口時，有個好心人想幫我地。佢望一望張地圖，舉起隻左手話：「Turn RIGHT」，再舉起隻右手話：「then Turn LEFT」... -_- ... 不過都多謝佢咁有心。
3) 作為全球生活指數最高嘅國家之一，芬蘭樣樣嘢都好貴。想慳$$，我地決定住Hostel。由於要同人share廚房同廁所，少不免就要同人互動，亦見識不少。e.g.留兩星期但只係為咗去幫人分馴鹿既瑞士人、用疑似軍刀開罐頭嘅超大隻俄羅斯人(係咁問我係唔係"Sheena"，原來問我喺唔喺CHINA，惟有話喺)、仲有連爐都未識開仲要夫人同我幫佢睇水滾既澳洲人etc.
4) 瞓冰酒店喺一個畢生難忘嘅經歷。瞓之前，職員會教你點瞓個睡袋，又話人哋-30度瞓住佢都無事，叫你放心。問題就嚟啦！-30度就無事，但喺間酒店只得-5度，咁咪超熱？！真係烏鴉口，我已經淨係著一件薄衫同睡褲訓都覺得好熱！更慘嘅喺瞓瞓吓熱到不自覺咁伸咗隻手出去，凍醒咗先發現無乜感覺，嚇到即刻室番入個睡袋度狂捽先無事！難忘係難忘，不過一次就夠啦！
5) 自少就鍾意聖誕節，可以到聖誕老人村就非常之興奮。不過，佢實在太商業化啦！左一間Souvenir，右一間Souvenir，就好似係旺角俾N間百老匯包圍既感覺...不過，「正牌」聖誕老人真喺幾OK，以下喺我地同聖誕老人嘅對話：
(排隊中，前面N個鬼佬，後面N個鬼佬...到我哋啦)
我：Hello (握手...嘩！隻手咁大嘅?！)
聖誕老人：Hello, are you from Hong Kong?
我：....yes?! (你點知架？)
聖誕老人：Nay Ho (你好) Today is the Chinese New Year!
我：...(初一你都知？)
聖誕老人：The year of rabbit!! (個樣超得戚！)
我：...yes! You are so clever! (如果我話Wrong佢會有咩反應？)
聖誕老人：Hah, Hong Kong. Seven million people!!
我：Wow!!
聖誕老人：I know everything!! (指住自己個頭，再chok多次超得戚樣！)
我：...(真係無嘢好講...)
6) 從Rovanemi再北上約4個鐘車程到達Ivalo，再坐40分鐘車到咗我地最後嘅目的地Nellim。由於已經深入北極圈，有陽光既日子特別短。聽當地人講，佢地整個十二月份都見唔到太陽！唔知係唔係因為少見太陽，呢度嘅人，尤其是個老細，特別面黑！講笑姐，不過佢面黑就喺真嘅。好在呢度個環境同埋啲活動都幾好，補番數！當然唔少得嘅喺響果度認識嘅其他遊客，因為佢地都好nice！
7) Nellim真喺幾凍，我哋留左4日，平均都係-25度。係咁嘅溫度下，四個鐘嘅Husky雪橇就顯得有啲長，啲風打落塊面度都幾痛下。完咗之後，我發現有幾樣野都結咗冰：我包濕紙巾、袋裡面樽水、同埋我老婆! (hi! 講我呀....)
8) 响Nelim三晚有兩晚都見到極光真係好好彩！喺現場睇同睇相嘅分別，就好似現場同電視睇賀年煙花果種分別。(當然無聲同火藥味啦！) 感覺好偉大、好寧靜、又好靚！唔係賣廣告，不過我真喺覺得成世人都應該只少睇一次! (下次Alaska呀唔該)
2011年2月18日 星期五
北歐尋幽記 DAY 11：Helsinki to HK
DAY 11：Helsinki to HK
2011年2月8日(一) 落雪 1°C (Helsinki)
2011年2月8日(一) 落雪 1°C (Helsinki)
响Ivalo delay咗半個鐘先上倒機.....我哋搭內陸機去Helsinki，
途中有個叫Kittila嘅中途站 (只喺半個鐘機程... )，喺一個度假村，
飛機低飛時睇倒有個好大嘅滑雪場..... 跟住個半鐘後就到Helsinki。
但返香港嘅機就由23:40 delay 到 1:00AM.....
勁攰.... 但終於可以上機!
Bye bye Finland!
 |
| 5:00PM (HK time) 返嚟啦!!! |
2011年2月17日 星期四
北歐尋幽記 DAY 10：Last day in Lapland
DAY 10：Last day in Lapland
2011年2月7日(日) 落大雪 -18°C
2011年2月7日(日) 落大雪 -18°C
今日喺留响芬蘭最後一日，百感交雜......
好想留低繼續玩但又有啲唔想....
想...喺因為呢10日真喺好好玩，好多嘢喺咁大個女第一次試....
唔喺好想，喺因為呢道有時都幾悶....
另外，雖然Nellim呢個地方好靚，間酒店都喺我嘅 dream hotel，
但喺，當初我揀佢，喺因為佢喺家族式經營，好似民宿噉；
但因為酒店生意越來越好，吸引咗好多來自英國及法國嘅旅行團，
非常爆滿，老闆就大部分時間淨喺招呼大團，帶大團周圍去；
我哋呢啲小貓三兩隻 (開頭以為喺種族歧視，
但原來來自英國嘅一家三口都喺噉....)，就俾其他staff帶，
有啲都幾"hea"..... ，好似要掙取先有噉.....
我哋第一日嚟到酒店，就壞咗個adaptor，相機會叉唔倒電，
所以搵老闆求救，又搵佢哋借風筒，
佢哋成家好似嫌我哋煩.... 跟住四日見倒我哋都黑口黑面....
我諗，今時今日，噉嘅服務態度點得嫁..... 細客仔都唔可以噉.....
唔好嬲.... 講吓最後一日做咩先.....
我哋.....
哈哈.....
無錯... 我哋做...snow angels!!
我哋同BBG family 越來越熟，我哋早餐後約咗响後山坡玩slide with sledges;
用滑雪板滑落山坡(無影相)。我哋用唔同嘅方式滑落山坡...
如坐住向前、趴响度、阿Greg嘗試企响度! 不過唔成功....
我同老公就試吓兩個一齊坐一個雪橇.... 笑到我哋死晒!!
之後，我哋搵倒個地方整個營火 (Camp fire)，
跟住老公同阿Ben就好努力用啲柴整著個火.... 整咗好耐....
阿Ben同老公仲用個斧頭劈柴，好wild呀!!
經過20分鐘嘅嘗試，佢哋成功啦!!
 |
| Last lunch at Nellim Wilderness Hotel: Pork with potato mash & carrot |
12:05PM 玩到唔知時間...
我哋要12點check out都唔記得咗!! 趕快返去.....
之後食午餐，都喺好好味嘅....
之後兩個鐘，我哋同BBG family談天說地，
我哋俾大澳啲相佢哋睇，佢哋都好鐘意。
之後，Bev invite 我哋下次去Birmingham visit 佢哋。
最後，我哋合照.... 互相擁抱.....果一刻真喺miss佢哋....
4:00PM 我哋坐酒店包嘅的士離開酒店，去Ivalo airport，
佢哋成家响門口同我哋揮手......
50分鐘車程，我哋去咗個好似博物館嘅機場....
 |
| 我哋啲行李：自行包裝，好似袋裝垃圾..... |
 |
| 大雪中的Finnair..... |
2011年2月16日 星期三
北歐尋幽記 DAY 9：Snowshoeing
DAY 9：Snowshoeing
2011年2月6日(日) 睛天 -20°C
2011年2月6日(日) 睛天 -20°C
今朝做吓運動先....
我哋去snowshoeing!!
咩呢咖?
就喺著住呢啲器材去遠足。
我哋會行3個鐘。
10:00AM...
開頭以為無咩問題，只喺驚凍，有尋日差啲凍死嘅恐怖經歷....
今日我著晒所有可以著嘅衫上身!!
點知....
Mari (老闆娘)帶我哋行嘅路唔喺行人路....
佢真喺帶我哋遠足! 行無人行嘅地方!! 有啲路雪深達膝頭至大腿!!
五個人一齊行，好在我同老公响最後，前面有人開路，
若果唔喺真喺"舉步難行".....
開頭行都喺有啲攰，有啲熱.... 但Mari開始行上小山..... 我開始勁熱.....
佢哋行得好快(我知我腳短.... )，行咗兩個鐘，我開始跟唔上.....
有幾次差啲PK.... 腳軟.... 我叫自己控制呼吸....
12:00noon...
點知Mari開始行上一個比較斜嘅山....
唔得... 頂唔順... 個心跳得好快....
Me: Can we take a break?
Mari: Ok! I'm just prepared to do so.
我哋"企"响個山腰道休息，因為好難除啲器材；
飲咗啲blueberry juice之後，我覺得有番氣力。
Mari同我哋講，話呢道好近Russian Border (俄羅斯邊境)，
如果行近條界，佢哋啲camera就會跟蹤你，
如果你再行過啲，我諗佢哋會用鎗"啡"你...
(我諗啫...)
行多45分鐘倒，我哋返番去酒店.....
返酒店後勁攰，勁飲水，食午餐後立刻瞓覺..... 不醒人事.....
食晚餐時，有人話出面睇倒極光，我哋食完之後立刻攞攝影器材出去....
但出到去只喺睇倒滿天星......
我哋響好黑嘅地方靜靜地睇星.....
突然，一道微弱嘅綠光出現響一棵樹同酒店嘅後面。
我地猶疑咗陣，影唔影好?
因為我哋嚟到呢間酒店第一日，adaptor 壞咗，
老闆借咗個canon叉電器俾我哋，但canon喺傻瓜機，
影唔倒極光，所以，我哋好小心用單反相機啲電....
最後決定咗影，極光喺"呢秒唔知下秒事" 兩分鐘後又唔見咗....
都喺影咗先!
極光難影在要响好黑嘅地方影，鏡頭內咩都睇唔倒，靠估.... ，
仲要佢喺瞬間即逝..... 又要曝光半分鐘，
曝得嚟，睇番影唔影倒，極光都走埋....
(30秒曝光，F<3.5，ISO 800)
我盲宗宗咁影咗一張... 意外地，效果幾好!
 |
| 我啲網友仲話我知，我影倒北斗七星，仲幫我畫埋出嚟!! (Thanks "sy" from 旅遊人生) |
That's the best aurora picture I've ever taken!!
Smile while sleeping that night.....
oh!... I forgot an exciting moment!
I drive snowmobile that night for 3 hours!!!!
That's a fabulous activity!!
Need to dry out our foot by the fire in the heat cabin in the middle of our trip.
Our toes started to numb.
That's proper way of keeping warm in extreme cold which was taught by Martin
2011年2月15日 星期二
北歐尋幽記 DAY 8：Husky Safari at Nellim
DAY 8：Husky Safari at Nellim
2011年2月5日(五) 天睛 -25°C
P.S.：朋友問我點控制雪橇犬拉車，控制其實好簡單：
狗狗會跟住前面leader行，我哋只喺控制起步同停，起步用腳向後撐；停就踩brake，其實啲狗狗好叻，佢哋feel倒你用嘅力，上斜路有時要幫幫佢地推，佢地feel倒會向後望一望你，好似多謝你噉，好cute!
啲雪犬真喺好犀利! 佢哋夜晚喺响外面瞓嫁! 仲要拉拉吓車停响度食雪!
2011年2月5日(五) 天睛 -25°C
响Nellim嘅日子好悠閒，生活節奏比Helsinki更慢.....
都好，可以令我哋呢啲城市人慢落呢，享受吓真正嘅生活。
7:30AM 食早餐!
呢道啲嘢食幾好味，算喺响芬蘭最好味嘅幾餐，
餐單喺老闆媽咪負責 (我哋簡稱佢做"媽打"，因為佢一副精打細算嘅樣子，
對眼周圍碌，好精靈)
早餐好簡單：麵包 (農夫包，廚師自制的)、蛋、煙肉等等.... 一般酒店自助早餐
食完早餐，出去行吓影吓相
 |
| 酒店一覽 |
 |
| 酒店正門 |
 |
| 運輸雪橇犬嘅車 |
10:00AM 開始今日嘅活動：Husky Safari
 |
| 安置husky嘅地方 |
 |
| 好乖嘅husky，聽老闆娘Mari講，佢哋響法國嚟嫁 (Photo by Danton) |
跟住，啲狗狗開始.... 一路跑一路痾屎痾尿...... help!!
 |
| 好靚嘅湖景 (Photo by Danton) |
我就坐雪橇，以為會舒服啲，點知.....
開頭都幾舒服，影吓video，睇吓風景.....
一個鐘之後，我發覺隻腳趾尾開始痺....
跟住喺手指尾好痛.... 我勁郁啲手指腳指，
等啲血液循環好啲... 但喺無咩用....
因為見尋晚睇極光都無用暖包，今日都無帶....
跟住同老公講.... 我哋調轉，我楂雪橇，希望郁吓可以暖啲....
點知都喺無用....
我用墊住雪橇嘅鹿皮cover雙腳，等風唔吹住.... 但喺手手腳腳越來越痺...
已經feel唔倒隻手指尾.....
當時都幾驚，知道凍得耐啲extremities會壞死.....
點知，跟住仲去咗個好大風嘅地方，連老公都話凍....
我就連個身都開始冷.....
好驚.... 唔想死響度.....
我覺得我開始有少許唔清醒....
老公喺咁同我講嘢.... 驚我瞓著.....
1:00PM...
好彩無幾耐，我哋就去到 heat cabin (中途休息嘅小木屋，可生火)，
我立刻跑入去!
雖然入面都無零度，好過出面-25度.....
 |
| Getting warm at the camp fire |
跟住領隊開始分午餐，先嚟一碗熱湯 -- 薯仔腸仔番茄湯 -- 雖然好普通，
但當時覺得勁好飲，好暖! 之後我哋BBQ 芝士火腿三文治，勁好食!
休息咗好耐，但都唔喺好暖....
同行有個英國家庭 (Ben, Bev & Greg: BBG family)，
佢哋見我勁凍，俾咗兩個暖包我，我就楂住響手心.....
繼續旅程.... 好快啲手腳又痺.... 對手有暖包就好啲.....
但整個旅程共4個鐘，應該就快返去..... 心情好少少.....
約45分鐘後，我哋返到酒店，我立刻飲熱飲..... 沖熱水涼....
之後跳入個被"鬥"道，到夜晚，體溫先正常番.....
哈哈.... 應該有少少低溫症...... 好似死裡逃生.....
之後都有少少驚出去兜風.... 有恐懼症....
 |
| 晚餐有好食嘅minced beef pie with cream sauce & chocolate cake |
有得食我又開心番啦!
今日好攰，無去到aurora camp，朋友話俾我哋知，
佢哋等咗好耐，先睇倒少少.....
~~End of Day 8~~
Continue...DAY 9：Snowshoeing
P.S.：朋友問我點控制雪橇犬拉車，控制其實好簡單：狗狗會跟住前面leader行，我哋只喺控制起步同停，起步用腳向後撐；停就踩brake，其實啲狗狗好叻，佢哋feel倒你用嘅力，上斜路有時要幫幫佢地推，佢地feel倒會向後望一望你，好似多謝你噉，好cute!
啲雪犬真喺好犀利! 佢哋夜晚喺响外面瞓嫁! 仲要拉拉吓車停响度食雪!
2011年2月14日 星期一
北歐尋幽記 DAY 7：北..北..北極光呀!!!
DAY 7：Rovaniemi to Nellim
2011年2月4日(四) 天晴 -3°C (Rovaniemi)
Useful links:
Matkahuolto Bus Company: http://www.matkahuolto.fi/en/
Nellim Wilderness Hotel: http://www.nellim.fi/
2011年2月4日(四) 天晴 -3°C (Rovaniemi)
"攝制隊深入芬蘭北部.....尋找他鄉的極光"
鍾sir旁白....
11:45AM 今朝同 rudolf say goodbye...
响Rovaniemi Bus Station 搭 Matkahuolto bus 去 Ivalo，
我哋响Helsinki買咗張無seat reservation嘅bus ticket，
因為巴士公司職員話宜家無學生假期，應該唔會好多人，
咁我哋就買咗 no seat reservation 嘅，諗住可以靈活啲又平啲，
點知去到啲坐位都喺啱啱好，都幾險.....
 |
| 大約4個幾鐘車程，全程嘅風景都喺咁..... |
4:00PM 我哋响Ivalo落車...
酒店book咗的士接我哋去Nellim，原來Nellim都幾遠，
我哋搭咗50分鐘的士 (好彩喺酒店包)，天色漸暗，
入Nellim嘅路開始無街燈，條路越來越窄.... 極荒野feel，好正呀!!
 |
| 超級荒野feel!! |
話說我哋問個的士司機住响邊，佢就噉答我：
Driver: I live in Ivalo.
Me: ic, is it cold now?
Driver: No, no.... not cold of course.... just -20 degrees.
Me: (-20.... not cold?......)
Driver: The coldest is in 1999.... it's -50 degrees here..... very cold ......
Me: -50??? just like at North Pole???
Driver: Yeah..... very cold.....
5:00PM 我哋到嘅時候，天已全黑...
Nellim Wilderness Hotel 就好似一個小村莊，好靚。
入去check in 先，聽日再影酒店外貌。
我哋住5號房，一打開門，一陣木嘅香味撲鼻，
房間撲天蓋地都喺松木，呢個就喺我想要我嘅feel啦!!
 |
| 我哋間房好正呀! |
 |
| 出去大廳睇吓先..... |
 |
| 嘩!! 真嘅火爐呀!! |
好細個就希望同我心愛嘅人，响一間小木屋，
一個火爐旁邊過一個寧靜嘅聖誕節，雖然聖誕已經過咗，
但呢道嘅聖誕氣氛不減，我嘅心願又實現啦!!!
 |
| 呢道嘅decoration theme 喺鹿鹿，有鹿角燈色； |
 |
| 餐廳嘅餐具全部有鹿嘅logo (連餐巾都有)，房間有鹿被，好鐘意呀!! |
 |
8:00PM 晚餐味道不錯，有燒豬扒。
之後，我哋就準備出發睇極光，溫度喺.....
喺22度? No no no....
出面喺-22度..... 室溫20度.... 溫差40多度!!
(呢個喺5/2嘅溫度，但幾日都差唔多)
酒店會provide額外嘅equipment同衣物，
如鬼面罩、俄羅斯帽、厚襪、雪靴、厚手襪、雪地連身衫等等，
老闆Martin睇過我哋嘅outfit，勁讚我哋件Northface羽絨同雪靴，
但滑雪手襪同雪帽都唔夠，我哋更喺借得就借啦!!
著衫都著咗幾個字.....
登...登...登....櫈!!
好重呀.....
9:00PM 出發啦!!
第一晚坐雪橇出去，冷風撲面... 雖然帶咗鬼面罩，
眼睛附近嘅皮膚依然感到痛.....
我哋經過一個樹林，過一條馬路，就嚟到湖邊，
之後我哋架雪橇就响湖中心奔馳，10分鐘後嚟到目的地.....
車頭燈陸續關掉.....
剎那間只見漆黑一遍.... 伸手不見五指.....
剎那間只見漆黑一遍.... 伸手不見五指.....
抬頭一望... 星星續一出現响眼前.... 很光很美....
最後繁星遍佈整個天空，我們好像身處太空一樣.......
突然，一條淡青色的絲帶出現在漆黑嘅天空，
越來越光，並在天上舞動，
越來越光，並在天上舞動，
我們呆呆的站住了.....
 |
| Photo by Danton, one of our English friends meet at Nellim |
 |
| Photo by Kubimui (not as good as Danton's....) |
 |
| Photo by Danton |
 |
| Photo by Kubimui, with our sledge & snowmobiles |
我哋睇倒一生人第一次嘅極光!
我同老公喜極相擁.....
我同老公喜極相擁.....
感動了.....
真的很美......
慨嘆大自然的神奇.... 人的渺小...
做人...又何必執著呢...
Matkahuolto Bus Company: http://www.matkahuolto.fi/en/
Nellim Wilderness Hotel: http://www.nellim.fi/
訂閱：
文章 (Atom)