2012年3月15日 星期四

團購餐 @ Qui Ristorante Italiano


大排檔...

香草麵包

意式生牛肉(無味的...)伴巴馬芝士片配欖油沙律、輕芝士焗意大利雲吞(都喺無味的...)   

烤意式原隻咸豬手有機蔬菜 (我揀的主菜,有些硬,味道可以) 

烤小牛排伴有機薯菜(Honey揀的主菜,牛味不錯) 

意大利乳酪雪糕、泡芺 

我想講,團購餐的idea旨在promote餐廳,增強知名度。但如果因為太多人食引致service差,噉咪弄巧反拙,响度趕客?

當經理一知道我哋喺團購,佢就將我哋流放咗响室外,啲枱密到不得了,好似大牌檔噉!我哋要求坐入面,佢話入面留咗位,我哋話我哋都喺留咗位,佢就話我哋只可坐出面,轉個頭就走咗。

跟住,就俾張紙我哋tick嘢食,語氣就好似公立醫院啲姑娘,求其講完就算,好似你好阻街噉...

我心諗,洗唔洗噉趕客呀.... 感覺好似我哋响度乞食....

其實我食嘢,一般只注重食物味道,好少理餐廳裝修及服務。

但今次,我真喺食得唔喺咁開心...

論食物,味道喺可以的。$78 per head,好似好平,但睇番佢個餐牌,晚餐有啲都喺$80個,佢根本唔使蝕!

那樣的服務態度,我喺唔會再幫襯佢!

餐牌如下:

a) 頭盤1份: (2選1)
- 煙三文魚它它伴有機蕃茄配無花果黑醋汁1份 (配香草麵包) 或;
- 意式生牛肉伴巴馬芝士片配欖油沙律1份(配香草麵包)


b) 餐湯1碗:
- 意大利蕃茄雜菜湯1碗


c) 前菜1份:
- 輕芝士焗意大利雲吞3粒


d) 主菜1份: (4選1)
- 烤小牛排伴有機薯菜1份 或;
- 慢煮羊膝肉伴有機雜菇1份 或;
- 烤意式原隻咸豬手有機蔬菜1份 或;
- 白汁蜆肉白酒意大利飯1份


e) 精選甜品:
- 意大利乳酪雪糕1杯 及;
- 泡芺2個 或 芝士蛋糕1件 (由商戶決定)
 

6 則留言:

  1. Hi Kubimui!! ^^

    請問您講78元 per head 係咪包括以上所有圖片的食物? 若是, 則價錢幾抵. 但以小弟愚見, 佢地的食物質素尚可而已, 煮出黎的汁水和配菜亦只是普通貨色, 但以而家的高通漲物價, 出去eat in 算係平啦. 但一聼您講到佢地的service, 就可以講「拜拜」啦! 個經理都幾特別, 團購咪幫緊佢地清存貨, 即時有生錢入帳啦, 洗吾洗咁cool呀. =_="

    回覆刪除
    回覆
    1. Hi Vagabond, 以上的食物都包,除咗個主菜喺豬手同小牛排二選一。其實佢哋碟碟都好mini,減肥中的我啱晒^^。原本$78 per head可以試咁多嘢食,我喺覺得抵先團購,不過佢哋的服務態度仲差過茶餐廳,我就真喺食得唔開心...仲有,其實團購時淨喺俾$58,但喺講明去到要俾多$20行政費(唔知點解噉安排),但喺好好笑,去到點完嘢食就立刻收錢,驚死我哋走數... 今次的經驗,可以講喺我食咁多次最差的經驗... 負分數!

      刪除
  2. 咁咪每位最少78元?! 咁同set dinner 80元有乜分別??? 出黎食飯無非求開心姐, ok, 咁有性格既「大排檔」餐廳, 咪將來有緣份先再幫襯law, 又吾係好食到雲, Kubimui妹妹吾洗勞氣架, 香港地大把fine dining, 係咪? ^^

    回覆刪除
  3. 我今晚剛剛食完這個餐,我都order了豬手,覺得食物ok,不過service依然好唔得。
    我哋落了order後,個waiter就大大聲咁話$40...噢,原來係行政費...噢,邊有咁肉酸架,咁樣收錢!
    (沙梨)

    回覆刪除
    回覆
    1. 沙梨,你講得好啱,佢問人攞錢果吓真喺好肉酸。開頭我仲以為自己要求過高,原來大家都有同感。做生意做到佢噉都喺第一次見。

      刪除