國金軒@IFC

周六早上往中環IFC「國金軒」飲茶，作為一間米之蓮餐廳，佢嘅裝潢同服務喺一流嘅。

尤其是侍應的質素，話說點心一到我就影相，我會擺過個位置，
跟住啲侍應眼尾見倒都會望一望，以為有咩做得唔好，對客人嘅需要好敏感。
另外，茶壺嘅位置都好講究，侍應倒完茶之後都會將茶壺個扶手向番我哋，方便我哋倒茶。

至於食物方面，只可以話叫得嘅都好食，水準好平均，但唔可以講話好好食。好好食嘅點心，每間酒樓可能喺一至兩碟，例如「西苑」嘅「叉燒」同「菠羅叉燒餐包」等等.....

覺得比較特別嘅，喺呢個外表平平無奇嘅咸水角：

鵝肝醬咸水角

入面喺有鵝肝醬同蘋果，呢個組合幾特別，味道不錯!

另外，有個叫「黃橋焗燒餅」嘅，淨喺聽個名都唔知喺咩....

黃橋焗燒餅

入面原來有洋蔥同雲腿，幾香口!

蝦餃喺我嘅至愛，我成日都話：要知間酒樓掂唔掂，就要叫籠蝦餃試吓!

筍尖鮮蝦餃

啲蝦好大隻同新鮮，好味!

其他嘅點心有：

松茸金菇卷

家鄉煎咸薄罉 (其他酒樓會用火腿，呢道就用金華火腿)

酥皮焗叉燒餐包

翡翠苗素餃

蒜香蝦春卷

餐牌唔喺好多嘢食 (其實我哋都叫唔倒咁多...唔洗錢咩....)

呢個餐牌好嚇人!!! $680唔喺四人餐，喺per head!!

評分：

(滿分為5星，只評食物水準)