最低工資一談

網友提起一篇最低工資的文章，誘發小妹寫嘢的動機。

一年前在談及最低工資時，身邊"入圍"的同事都表現得好雀躍，我就响道諗.... 資本主義社會都喺講"供求關係" (Demand & Supply).....

(1) 人工高咗，咪請少啲囉，少啲人做同樣份量的工作，變相有人失業，淨番好彩唔洗比人抄的，就做到隻狗咁.....

(2) 如果都喺要請咁多人(好似管理員噉)，個個都喺廿八蚊個鐘，咁最終，咪年紀大果啲俾人抄咗，智障的完全無人請(麥記都縮沙啦....)，請啲後生細仔.... (宜家管理員都有成萬銀一個月，第日大學生都掙住做，看更阿伯咪又失業....

(3) 無錯，弱勢社群跟本無從最低工資得益，都喺無嘢做，跟住咪又喺政府養佢哋，仲多咗人失業.......仲有，人工高咗食市等商舖老闆加倒價就加，變相幫手托高通脹，食的住的又貴咗，人工高咗都無用啦.....

(4) 由自食其力有競爭力的社會走向福利社會，啫喺"有共產特色的資本主義社會"，啫喺宜家北歐果啲成熟體系，我二月去芬蘭就體驗過：超高稅率(因為政府要養好多人)，好驚訝地，倒垃圾果個喺廿幾歲的後生仔(做寫字樓都喺咁多錢....)，聽講都喺大學生嚟..... "大學生都去掃街"咪咁嚟囉.....

香港正步北歐等福利國家後塵，高稅率、高人工等因素就會趕走响香港投資的生意人 -- 即喺請你果啲人 -- 點解唔去啲開支無咁勁的地方做生意呢.... 唔通香港有寶咩.....