意志力與堅持

我遇到挫折喺好易放棄的...... 讀緊書還好..... 大個咗仲愈來愈差.....

可能愈大個遇到的挫折愈多愈難解決......

今日計劃放工後去游水減肥.....

先食個麥記「田園沙律」做晚餐，健康啲無咁多肉.....

之後就去會所游水.....

點知.....

無帶泳帽同潛水鏡.....

果一刻好想走人唔游，一來今日做嘢辛苦已經好攰，二來無潛水鏡個頭入咗水道睇唔倒嘢......  响水底張開眼會勁"那"眼....

我同自己講，人生唔喺時時都咁完美，無潛水鏡點解唔游得水呢??

跟住我嘗試合埋眼游，游到喺噉撞線撞牆......  心情喺有啲焦慮有啲驚... 睇唔倒嘢真喺無晒安全感.....

之後試游蛙式，好啲，頭响水面時可張開眼..... 撞唔死.....

但我個膝頭頂唔順蛙式，游得耐會痛.....

跟住我試吓游自由腳蛙手，OK！可以！ 就慢啲囉.....

之後，我對眼適應咗浸住响水，就試吓响水底張開眼游水。

噉樣睇嘢同帶潛水鏡好唔同，啲視距有啲問題，但都好，起碼唔洗盲宗宗.....

喺咁樣試吓試吓，就游咗40分鐘......

由開頭因為解決唔倒問題想放棄，到最終試盡不同方式游咗40分鐘......

我同自己講，如果唔好彩跌咗落海，你都無潛水鏡，唔通等死咩.....

我覺得對於我嚟講，喺一個進步！

放下執著，放下焦慮，豁然開朗

事情總有辨法解決嘅