法國宅急便之旅準備篇 - 交通

今次嘅旅行喺一個bonus，因為本來冇打算去，喺突然响出發前一個月決定去，先開始plan，中長線自遊行嚟講算趕！所以，book得晒機票、火車同私家車都算好彩！

機票

飛法國好多選擇，但旺季前一個月先訂機票就會好貴....
上咗好多機票網睇，例如ZUJI、Cheap tickets同埋打去學聯問，都冇好結果......
ZUJI雖然有好多選擇，有啲都平，但好多都要轉機，唔駛轉就好貴...
學聯就簡直喺冇希望，原本問咗日子有位，講講吓唔夠三分鐘，位都冇埋
極沮喪！

沮喪到極點之際，突然上咗Air France個網度亂撳，發覺原來遲一日起程竟然一個人平三千幾！仲要直航！！
Thanks God！

雖然因此變咗八日行程，但起碼有位先.....

兩張機票直航法國，HK$16,540，仲要喺peak season，我覺得算喺噉囉....

http://www.airfrance.com.hk

火車 (TGV)

由巴黎落亞維農(Avignon)果程我哋撘火車，有諗過楂落去，但要成6-7個鐘，仲要我哋唔熟路；火車就兩個半鐘，所以都喺舒舒服服坐火車算。

但火車票就好海鮮價，我朋友淡季去一程HK$500，我哋就貴咗一倍！！

http://www.raileurope.hk

自己楂車

呢個方法喺最自由但又喺最傷腦筋...

我哋原本計劃由亞維農(Avignon)楂到去尼斯(Nice)共四日...

話說要卜車，就睇rentalcar.com，入面有8間國際租車公司，好似Hertz、Avis、Europcar等等...

HK$350-500一日租架細車，嘩，都幾抵呀，仲有好多款揀....

咪住，全部都喺棍波！自動波呢？！

篩選之下，自動波嘅只餘小貓三四架....  最平租一日HK$650-800

問題喺，佢show出嚟話有，到我完成卜車過程，又冇出confirmation email俾我

跟住，法國果邊竟然打嚟話冇晒自動波車....

吓？噉你就唔好show出嚟話有啦....

跟住我search咗好多其他公司都喺冇.....

原來，法國人自己都喺楂棍波多..... 所以，租唔倒車喺common problem....

正要放棄楂車改join local tour時..... 突然又入去rentalcar亂撳，我諗，不如試吓卜只在Avignon楂，响番Avignon還車.....

竟然！得咗！卜倒一架 Volkswagon Golf！

其實我哋最需要車都喺响Avignon果三日睇山區小鎮，當然，如果可以一路楂落尼斯海邊就最開心....
果然，我不屈不撓嘅精神喺有啲用！

不過，都領教過法國人嘅『茅』嘢 (遲啲詳談)，希望去到真喺俾架自動波我喇.....

http://www.rentalcars.com/