買入比亞迪的反思

比亞迪跌過不停，由$84跌至今日低位$37.5，已跌了超過一年的時間。小妹平均價$43.9買入比亞迪，佔組合約9%，已跌至曹仁超定的15%止蝕位，是時候要反思一吓.......

先睇吓大家宜家點樣睇比亞迪。一眾財經演員聽見散戶問比亞迪，異口同聲的看淡(經小妹非官方統計，喺100%睇淡)，唔係叫人放咗佢止蝕，回頭是岸(好似買咗佢就喺作奸犯科)；就喺叫人千其唔好拈手(好似叫人唔好吸毒噉....)，聽吓聽吓，令楂住比亞迪的小妹都無晒心機.....

謝清海每次接受訪問時，記者問到佢買股的原則，佢每次都喺答「Right Business、Right People、Right Price」。小妹喺價值投資的初哥，買入比亞迪有無違反咗以上三個原則呢?

Right Business：

其實以前都講過好多次，比亞迪的新能源大方向是正確的(政治正確，亦乎合世界大勢)，佢宜家已經唔喺汽車股..... Right Business 喺無錯的。

Right People：

都喺講過，主席王傳福喺一個好有遠見的人，對比亞迪100%投入，小妹喺十分佩服，管理團隊亦喺盡心盡力。

Right Price：

三個factor裡面，唯一我覺得時時都無信心話自己評估對的，就喺價格。我實在太鐘意比亞迪，買入價PE over 20倍，錯的就是這裡，宜家$37.5 PE都成19倍，實在喺無耐性......

經一事長一智，POST這篇文出來警惕自己，接受合理的批評，承認自已選股技巧的不足，有待改善

咁有人會問，你會唔會放棄價值投資?

唔會，因為唔喺價值投資有問題，而喺我選股時沒有跟足原則，不夠理性，我會繼續實行value investing，我覺得好啱我性格，不過要繼續改進。

咁會唔會放咗比亞迪?

唔會，當市場上100%的人都叫你唔好買的時候，佢距離見底應該不遠已，加上佢唔喺一間結構有問題的公司。