兩個轆遊墾丁 (DAY3)：太陽出來了！

DAY 3：四條腿遊大灣、夏都沙灘酒店、白天的墾丁大街

2012年8月11日(六) 部份時間有陽光，28-33度

閒遊墾丁

海逸旅店早餐較二手童話豐富，喺mini-buffet

我揀咗蕃薯粥加鹹蛋、炒蛋、肉燥同煎薄餅，味道不錯！

餐後以為今日都喺落雨，所以慢慢嚟，先返房休息

無幾耐，外面竟然出太陽！

太陽伯伯，好耐無見喎

太好囉，終於可以去沙灘玩喇！！

太陽出嚟果然喺好晒好熱立刻搽SPF65防晒！

跟住我哋向海灘方向前進

中途經過呢間民宿酒吧，叫『鹿角』，裝修得幾靚，下次嚟墾丁要住吓

行出沙灘嘅石徑

終於見倒藍天白雲！

大灣沙灘

大灣沙灘喺最近墾丁大街嘅沙灘

老公話，好耐無同我行沙灘

今日真喺好開心

如果之前兩日出猛太陽，

我哋踩單車或電動車都會晒燶好辛苦

今日太陽出得正合時！

全個trip最滿意嘅相片

四條腿足跡：原來我哋行得咁齊
希望可以同老公行遍唔同嘅沙灘留下足跡

夏都沙灘酒店

我哋繼續沿住沙灘行，行到一間酒店

原來喺『夏都沙灘酒店』

有咩特別呢？

『海角七號』就喺响呢度拍㗎喇...

房租超超貴，成千幾蚊港紙一晚，一晚租可以換兩晚民宿！

夏都沙灘酒店(資料圖片)

從夏都酒店影出去

跟住我哋响酒店lounge度買咗杯Movenpick雪糕 hea咗一個鐘

3PM，我哋離開酒店，返墾丁大街食嘢

曼波泰式料理

食具好有特色

叫咗個青咖哩雞，同緬甸式蝦醬炒通菜
緬甸式蝦醬味道同中式唔同，食落好重蝦米味，
但聞落無中式 蝦醬咁香，幾好食

食完逛街，不久又落大雨，揾咗間飲品店避雨

店內可愛嘅柴犬，不過留意告示...

3:30PM，尋日叫咗車返高雄，我哋返民宿等車

4:20PM，車準時到，但唔喺的士，喺普通私家七人車

無營業牌果隻...唔怪之得回程平啲 (NT$350一人)

墾丁返高雄

回程全程落大雨，今朝真好彩！

同車有個本地女子，响中途落車

約6:45PM，我哋到小港機場

啲夜市成日強調用『林鳯營』鮮奶，我又買嚟試吓...
唔...似香港維記，無十字牌咁香濃

手機充電台，有幾十個牌子揀，收費的

响機場食咗個牛肉麵，無味嘅... 

9:05PM，本班機提早10分鐘起飛

到香港啦！

~End of the trip~

如需有用資料，請往『閒遊墾丁-預備篇』