我的夢想

小學時，老師成日要我哋寫我的志願，志願來來去去都喺果幾樣：男仔做消防員、警察；女仔做護士、老師...

人生既過程，喺不停噉了解自己，尋找真我.... 過程中會有迷失，例如，會跟隨大部份人認為啱既方向行，而忽略自己的想法同感受；或因為在意別人對你的評價而改變自己。

活咗幾十年既我，亦繼續不停了解自己...

成日以為自己既人生目標喺要搵多啲錢住大屋，但有啲物質既嘢到手之後，個人就會好空虛...

到近日發現，自己最想既，原來喺同自己最愛既人，去世界唔同既角落，開闊眼界。

完全唔洗豪嘆世界，住五星級酒店；我哋反而喜歡住旅舍(hostel)，因為住旅舍要同人共用厠所廚房，响果道，你就有機會接觸唔同國籍既人，了解佢哋既文化。

其實响2011年既芬蘭之旅，我就開始了解自己呢個想法... 果次我哋大部份時間住旅舍，碰到俄羅斯人、澳洲人、瑞典人.... 同佢哋傾談吓，真喺幾得意！

『讀萬卷書不如行萬里路』

身為地球人，真喺應該了解多啲呢個世界！

雖然行咗萬里路之後不會為我帶來百萬既金錢，但對我來說，會令我人生無憾！