2013年5月2日 星期四

8 weeks and 1 day: 第二次產檢,睇倒bb心跳喇!

上次Week 6 先至話冇咩唔舒服,話口未完就嚟料....

呢兩個禮拜簡直喺第二個人:一個勁鐘意食嘢既人,見倒至愛既牛扒竟然想嘔,聞倒炒餸香味又想嘔,只可以食面包同酸既食物,例如飲檸水唔加糖,飯都食唔倒,食完又想嘔.....

成日都好想嘔,但喺又嘔唔出.....

去完法國至今一個月,已經輕咗8磅....

我問醫生噉輕法有冇問題,佢話好多孕婦開頭三個月都喺噉,同埋bb自己有個營養囊 (yolk sac),開頭唔駛擔心唔夠營養。

噉都好啲....

今日照超聲波,胎囊大咗,bb個figure明顯咗,bb已經有1.61cm,size正常。

俾大家同bb見吓面先....



最開心既,喺睇倒bb心跳,醫生指住bb身上閃吓閃吓的一點,就喺心臟。

真喺好好好開心,噉樣證明bb暫時健全...

當然喇,頭三個月樣樣都要小心啲.....

同埋,平常心喇,咩都會發生....

沒有留言:

張貼留言