「早孕期一站式唐氏綜合症篩查」在懷孕十一週至十四週之前進行，以下列因素計算胎兒患有唐氏綜合症的風險：
1) 孕婦年齡
2) 孕婦血清中之妊娠相關血漿蛋白A (PAPP-A)水平
3) 孕婦血清中之游離人絨毛膜促性腺激素(free-betahCG)水平
4) 胎兒頸皮下透明層的厚度
但呢個test只可發現九成患有唐氏綜合症的胎兒，其餘一成，就要聽天由命....
都曾經聽過有人驗咗話pass，到頭來bb都喺有唐氏...
不過呢啲嘢，都喺睇開啲....
講番自己，今日去clinic驗OSCAR，心情有少許緊張，一來老公要開會陪唔倒我。二來，作為媽媽點都會有啲緊張個結果。我算好鎮定，有啲媽媽直情擔心到瞓唔著。
十一點準時到clinic，之前坐果架巴士好似冇避震，dun到我死，我諗阿b一定醒晒....
阿b果然醒咗，仲响度跳舞，好可愛！
醫生响部照聲波度不停度，手腳都有睇，不過重點喺度頸皮厚度，醫生好認真，度咗4次。小b厚度喺1.3，算幾好，跟住度吓鼻骨等等，都ok。成個過程大約15分鐘就完成。
之後喺抽血，今日果位姑娘手勢麻麻哋，左手吉嚟吉去都抽唔倒，終於抽倒又話唔夠血，要休息一陣抽右手.....最終兩邊都吉.....
吉完就走人....
等咗四日就有報告，小b pass咗個test！ratio喺1:10,000以上，即喺有唐氏機會好微，但要記住，準確率喺90%，即喺有10%既機會喺錯....
下一關就喺照結構.... 雖然呢個醫生都好仔細同我做test，但佢太後生，好"靚"仔....
經過上網一輪research之後，我揀咗超聲波權威醫生林勇行做結構檢查，安心啲！
今日小b長度：5.42cm
沒有留言:
張貼留言