因為已經第二孕期，相對穩定，覆診次數會少啲，約一個月一次。
所以，要等成個月先見倒小b，好掛住佢....
今次見小b，大個咗好多，好活潑，繼續手舞足動，郁過不停！
老公今次陪倒我嚟，佢第一次見倒小b跳舞，好開心！
醫生話，宜家小b唔再簡單度長度，要度頭圍，腳長等等。仲有，小b接埋咗，度長度都唔準。
另外，我哋已經confirm响嘉諾撤醫院開刀，一來果度有熟人，二來聽講服務都幾好...
我哋問醫生知道仔定女未，醫生話咁快未知，醫生仲話，bb好明顯唔想你知，因為交叉腳cover咗唔俾我哋睇..... 噢.....
今次產檢冇咩特別，知道小b一切安心已經好開心！
沒有留言:
張貼留言