葵芳金潮小廚 - Full of surprise!!

第一次見呢間菜館喺响金剛同小儀主持嘅《街坊廚神》裡看到，立刻俾碟『黃金蝦』吸引住；第二個想法就喺，點解成日去葵芳，都唔見有間噉嘅嘢？

好快，我就唔記得咗佢....

前幾日有個friend响facebook大讚葵芳一間菜館，又喺有『黃金蝦』嫁！我問佢間嘢叫咩，原來喺『金潮小廚』，喺就喺响葵芳，不過唔响港鐵附近，唔查openrice都唔知响邊.....

終於，今日襯落雨去食，諗住無噉多人..... 點知.....

7點去到已經有成10個人响出面等，我地立刻沖入去登記，好彩，兩位剛剛有位。

餐牌

轉個頭，出面已經排滿晒人.......

鮑粒荷香飯

喺第一個上嘅菜，好似半個西瓜咁大！嘩！好香荷葉同鮑汁味，加埋啲好滑嘅雞粒，一個字：正！(食唔晒，留咗好多聽日做午餐....)

脆皮冰梅骨

老公點嘅，雖然唔喺招牌菜，都幾好食！

潮式胡椒大蜆湯

好耐無飲過胡椒湯，以前阿媽會煲胡椒豬肚湯，勁鐘意飲。今次喺胡椒大蜆湯，估唔到都幾辣，啲蜆仲好鮮甜，好鐘意呀！

招牌黃金蝦

今次喺第一次食，老公同我傾偈我都聽唔倒.......
好香好脆！蝦同咸蛋都喺我嘅至愛，原來，佢哋喺勁好朋友嫁！一拍即合！

老公一路食一路話：『下次一定會再來！！』
.... 好呀！！！
 

評分：

(滿分為5星，只評食物水準)