懷孕有好多關要過，最初有聽bb心跳，之後有OSCAR，宜家就喺照結構！
我做咗好多search，揾咗照結構既權威醫生林勇行，一次$2000，包一隻dvd加相及一份report，唔算貴。
佢間診所叫「香港產前診斷中心」响中環，好大間好寬敞，我同老公準時去到，等十五分鐘就入得。
入到房有張電動升降床，有個約32吋大電視俾即時睇照聲波片。
等咗陣林醫生入嚟，瘦削的林醫生好斯文，講嘢細細聲，面帶笑容。
搽肚既gel喺暖既，好細心！
醫生第一時間問：「知道喺仔定女未？想唔想知？」
上次小b玩交叉腳，今次更喺想知！
「女嚟嫁！ 」
話口未完，醫生就話咗俾我哋聽....
我一直都想要女，但個個都話我肚大喺仔，等我自己都以為喺....
宜家有啲tune唔倒.....哈哈...
我就同老公講，喺女仔呀！可以同佢扮靚靚！
之後醫生同b女逐個部位照2d，嘩！bb又大個咗好多！又响度郁手郁腳！
醫生好仔細，有個list俾我哋睇會照咩：
佢部機真喺好勁！睇得好清楚！！可以逐隻手指仔數！！
最勁喺個心，不但四個心房睇得好清楚，連啲心瓣都睇倒！
大家要知道，得20周人仔喎！得15cm長既人仔喎！
中途有個笑位，b女伸條脷出嚟，好似做鬼臉咁，好可愛！
照咗15分鐘之後，醫生叫我出去行一陣，等bb轉轉身再照。
醫生仲話so far so good！
行咗陣姑娘又叫我哋入去，今次喺另一間房。
醫生繼續照2d，到個肺、胃、肝等等內臟.....
照照吓個電視突然變咗彩色，開始照4d
4d主要用嚟睇吓小b女個樣，不過，今次佢玩怕醜，將塊面收埋响個胎盤度，唔肯見人....
醫生拍拍我個肚，希望佢令過嚟望鏡頭....
但喺拍咗好多次都唔成功....
跟住我就同小b女講要合作呀，俾爸爸媽咪睇吓個樣。
都喺唔得...
搞咗好耐，突然令個頭過嚟，say 個 hi，一舜間又收埋塊面...
好彩醫生capture倒....
其實唔喺好清楚，不竟都喺20周人仔....
醫生照完後話結構冇問題，不過準確率只有八成。
中途都有段插曲，嚇親我哋....
我原本喺20周2日，醫生話照倒整體喺19周4日，我問噉喺咪遲咗，醫生話一周內又唔算....
我都有啲擔心，再打電話問我主診醫生，醫生話bb喺細碼b，下次覆診再詳細解釋我聽，但唔洗立即覆診。
吓，唔知喺咪我剛病咗成個禮拜食唔倒嘢，搞到佢長唔快....
有啲唔開心....
不過問番朋友，佢話好正常，懷孕中段好多時都喺噉，佢果陣都喺噉....
噉我就放心啲.....
 |
| 頭仔 |
 |
| 手仔 |
